Rupa na rara sian Tiongkok digoari ma VERMILION. Na jolo so adong dope teknologi na boi mambaen rupa si songon i, ale di Tiongkok nungnga boi mambaen rupa vermilion sintetis hira-hira 2500 taon na lewat. Boi hita ida sian keramik na adong di tambak masa-masa Dinasti Han.
Na jolo mansai arga do rupa si songon on, jadi boi ma di dok tanda ni akka jolma na mora jong ma molo rupa si songon on.
Dung leleng di adat ni Tiongkok, rupa na rara vermilion gabe di dok rupa na mangihuthon hata parlabaan, las ni roha dohot akka sude taringot akka ulaon na denggan. Vermilion mambaen nasida marlas ni roha jala nunut lao mangalului hagabeon dohot hasangapon.
Na boi dohonon sarupa ondeng ni na rara on di Tiongkok ima rupa na hunik. Boasa ikkon rupa na hunik? Alana rupa na hunik do tano ni ibukota harajaon ni dinasti-dinasti na adong di Tiongkok (Zhongyuan/ Central plain). Alani ma batang aek na mamolus sian inganan i di dok Aek Hunik.
Aek ni batang aek on mamboan tano na hunik na gompis gabe inganan ni akka suan-suanan ni akka pangula di uttara Tiongkok sahat tu sadarion. Alani ma rupa na hunik dibaen ma gabe rupa ni harajaon na mangindohon rupa ni tano harajaon dohot istana ni dinasti i jongjong. Molo ni pamanat, bendera ni Tiongkok puna rupa na rara dohot na hunik do, aha lapatanna, boi ma ni ida sian filosofi na ni taringoti ondeng.