Jabatan na beteng di militer Indonesia hea do ditiop akka jenderal-jenderal sian halak Batak.
Ro sian akka ganup marga mulai sian Panjaitan, Nasution, Siregar dohot akka marga na asing.
Tano Batak nungga manubuhon akka jenderal na beteng. Sian masa na jolo adong Tahi Bonar Simatupang, dungi Abdul Haris Nasution, Donald Izacus Panjaitan, ro di saunari ima Luhut Binsar Panjaitan na adong di kabinet Presiden Joko widodo.
Akka Jenderal na sahat gabe Panglima Tentara Nasional Indonesia ima TB Simatupang, AH Nasution, Maraden Panggabean dohot Feisal Tanjung.
Sahat tu taon 2016, Feisal Tanjung ima halak Batak na parpudi gabe Panglima TNI. Akka na asing sahat tu posisi Komandan Korps manang Panglima KODAM.
Jenderal Panjaitan dohot Jenderal Nasution
IIse naso mananda Luhut Binsar Panjaitan? Pensiunan Letnan Jenderali saonari gabe Menteri Kemaritiman dan Sumber Daya Republik Indonesia. Sian goarna nga takkas ibana halak Batak. Luhut dohot marga Panjaitan na asing na gabe Jenderal adong dope. Ima Pahlawan Revolusi Mayor Jenderal (Anumerta) Donald Izacus Panjaitan, manang sada nai mantan Komadan Kopassus na dohot operasi paluahon sandera di Don Muang Bangkok, Sintong Panjaitan. Sada nai, jenderal bermarga Panjaitan, ima Hotmangaraja Panjaitan. Goar na parpudi on, songon Luhut dohot Sintong hea martugas di Baret Merah (Kopassus). Hotmangaraja ima anak ni Donald Izacus Panjaitan par Balige i.
Dang holan marga Panjaitan, godang do na marga Nasution na gabe jenderal. Ise na so mananda Abdul Haris Nasution? Jenderal Bintang Lima dang holan hea gabe Kepala Staf Angkatan Darat (KSAD) dua hali ( 1949 sahat tu 1952, 1955 sahat 1962). Boi dohonon 9 taon ibana gabe katua Angkatan na ombalga di kemiliteran Indonesia. Prestasi naso boi dope manang ise mangimbangi sahat tu saonari di AD.
Nasution godang do manurat buku sejarah dohot militer, songon Seputar Perang Kemerdekaan na godang na 11 jilid. Na terkenal ima Pokok-Pokok Gerilya, marhite di urupi "Ghost Writer". Godang dope tongbuku biografi na, Memenuhi Panggilan Tugas. Dang adong dope jenderal na mangimbangi Nasution molo taringot tu buku.
Buku Siapa Dia? Perwira Tinggi Tentara Nasional Indonesia Angkatan Darat, manurathon jenderal na marmarga Nasution asing ni AH Nasution, ima Zulkifli Nasution, M. Noor Nasution, Kaharudin Nasution dohot Z. Djalalu'din Nasution, Azmyn Yusri Nasution, Imron Nasution. Sian kepolisian Inspektur Jenderal Rusli Nasution dohot Komisaris Jenderal Saud Usman.
Sian marga Siregar, adong Brigadir Jenderal H.M Ali Siregar, Brigadir Jenderal A. Azis Siregar, Brigadir Boerhaniedin Siregar, Mayor Jenderal Haji Marsan Siregar dohot Raja Inal Siregar. Sian marga Silalahi adong Sudi Silalahi, Menteri Sekretaris Kabinet tikki Susilo Bambang Yudhoyono gabe Presiden. Dungi adong muse H Silalahi na hea gabe Kepala Staf KODAM Cendrawasih dohot Tiopan Bernard Silalahi na manurat novel Toba Dreams na tong gabe pencetus SMA Soposurung.
Sian marga Panggabean adong Jenderal Maraden Saur Panggabean na hea gabe Panglima ABRI rangkap Menteri Pertahanan di era ni Soeharto, dohot adong muse Brigadir Jenderal Lodewijk Saur Maruli Panggabean na hea gabe Wakil Pangdam Jakarta Raya.
Halak Batak na asing na gabe Jenderal ima Abdul Manaf Lubis, Abdul Muluk Lubis, Achmad Rivai Harahap, Adolf Sahala Rajagukguk, A. Husni Pohan, Albertus Maruli Tambunan, Amir Sembiring, Arifin S.S. Tambunan, Arifin Tarigan, Arsenius Elias Manihuruk, August Marpaung, Cornel Simbolon, E.W.P. Tambunan, Feisal Tandjung, Hasudungan Simanjuntak, Hopman Sitompul, Kilian Sidabutar, Jansen Rambe, Junus Samosir, Justin Sinaga, Lahiradja Munthe, Laupasa Malau, Oeloeng Sitepu, Pieter Damanik, Radjamin Purba, Raja Kami Sembiring Meliala, Raja Meteksa Tarigan, Ricardo M.J. Siahaan, Richard Panggabean, Risman Daulat L. Tobing, Romulo Simbolon, Roni Sikap Sinuraya, Rudolf Butarbutar, Sahala Nababan.
Halak Batak Parjolo Na Gabe Petinggi TNI
Aboe Bakar Loebis,di buku na Kilas Balik Revolusi (1992) manurathon, di Sumatera Utara liat purba adong do mantan panakko na mandok diri na sandiri gabe marpangkat Jenderal Mayor. Ala godang anggota na na mangalo Bolanda di tikki revolusi, goar na Timoer Pane. Dang tentara ibana alai laskar Napindo na unduk jala mangoloi Partai Nasional Indonesia na binahen ni Presiden Soekarno. Alai goarna pe ninan tu ninna do i. Karakter Timoer Pane mangilhami Asrul Sani na manurat cerita film Nagabonar (1987).
Molo di film, Nagabonar dohot Mariam mandok diri na jenderal di zaman Revolusi, molo satingkos na, halak Batak na diangkat gabe jenderal di parjolo sejarah TNI ima Tahi Bonar Simatupang dohot Abdul Haris Nasution.
Tahi Bonar Simatupang gabe Kepala Staf Angkatan Perang (KSAP) dung monding Jenderal Sudirman di taon 1950, Tahi Bonar Simatupang halak Batak parjolo na toho gabe Jenderal Mayor. Tikki i pangkat Brigadir Jenderal dang dipakke dope. Tong songon i dohot Nasution. Ala adong kebijakan patuathon pangkat tikki i, terpaksa Nasution gabe kolonel songon i leleng. Nata pes ongon i Nasution beteng do di AD. Simatupang didok tentara na pistar di AD. Nasution dohot Simatupang mansai malo taringot tu teori militer klasik Eropa.
Umur Simatupang 30 taon dope tikki gabe KSAP. Alai kariernya ollat ni gabe penasehat menteri pertahanan, na tikki periode tahun 1945 sahat tu 1950an ro sian halak sipil. Abdul Haris Nasution, na saletting dohot Simatupang tikki marsiajar di Akademi Militer Kerajaan Belanda, Koninlijk Militaire Academie, di Bandung, ima menteri pertahanan sian militer pertama dung dang tarida Supriyadi.
Dung Nasution, Maraden Panggabean ima halak Batak na gabe Panglima ABRI (TNI) parjolo ni orde baru. Di taon 1993, Feisal Tanjung gabe Pangti TNI.
Godang do halak Batak na gabe jenderal alal bakko ni halak Batak na karas na cocok di dunia militer. Tong muse alani pendidikan barat. Di tikki kolonial, akka halak Batak dijalo di militer di taon 1929. Nasution dohot Simatupang ima tarmasuk halak Batak parjolo na gabe perwira KNIL di taon 1942. Jala tikki so taon taon i tong do nga godang halak Batak gabe sersan.
https://tirto.id/para-jenderal-dari-tanah-batak-bD1V