Na baru-baru on adong do ribur akka jolma martaringot di Tiongkok. Tar dok Ma sahalak na margoar Zhang Fangrong, mansai pogos do ibana jala marhuta do ibana di Hunan manakkas. Natua-tua na mebat ma tu kota laho mansari parngoluan, ala ni i gabe marapot ma akka jolma sahuta na laho mangurus ngolu na. Maringanan do ibana di sikkola mulai sian kalas 6 SD.
Dung masuk ma tikki lao ujian, dohot ma ibana ujian Gaokao (ujian masuk universitas di Tiongkok). Molo lulus annon di ujian on, penempatan ni tiap calon mahasiswa i marhite punten na di ujian Gaokao on. Molo lao masuk tu universitas na elit tar songon Universitas Beijing, ba ikkon timbo ma antong punten na.
Dung dipaboa, haruar ma punten na tikki ujian i ima 676 (maksimal 750). Punten 676 on mansai timbo do. Pola 50 halak guruna paboahon tu huta ni si Zhang on laho paboahon barita on. Akka dongan sahuta na mansai las roha na alana boi dohonon akka jolma na pistar si songon on boi gabe patuduhon goar ni huta na tu akka natorop di luat Tiongkok. Boi ma di ida las ni roha nasida marhite video di link on.
Lulus di Universitas Beijing do si Zhang, dohonon universitas on mansai elit do molo di Tiongkok. Dibaritahon ma ibana di Weibo jala tarsonggot do akka na torop tikki dipillit ibana na gabe jurusan na ima jurusan Arkeologi. Arkeologi ima parsiajaran taringot akka ugasan-ugasan na jolo di bidang sejarah.
Ala ni i gabe godang ma jolma markombur jala longangmarhite sungkun-sungkun " Boasa ma ikkon mamillit jurusan i hape punten na mansai denggan jala une do?"
Boasa ma songon i sungkun-sungkun ni akka natorop, boi dohonon alani si Zhang mansai pogos do, ale i ma boasa ma ikkon pillit on na jurusan naso boi parohon hepeng tu joloan ni ari. Sugari ibana mambuat jursan na beteng, marhite punten nai boi do ibana masuk tu jurusan na beteng i marhite i tu joloan ni ari boi ma ibana gabe mamora.
Alai di dok si Zhang ma, molo pe ibana gabe arkeolog, dang pola mabiar ibana laho mangalului dalan ni parngoluan. Manang na boha pe pandohan ni jolma marhite na pinillit nai jurusan arkeologi, dang pola dihantushon roha na i alana gabe arkeolog nga gabe jou-jou ni roha na. Haduan molo lanjut muse sikkola na lao do ibana tu akka situs-situs sejarah laho mangulahon riset dohot mangalului akka ugasan na marsejarah.
Dung i didok ibana muse, boasa ma gabe arkeologi dipillit ibana ala mengidolakan Fan Jinshi, ima arkeolog senior di Tiongkok. Nga marumur 82 taon arkeolog senior on jala parngoluon na siganup ari holan di situs Dunhuang. Fan Jinshi manongos buku biografina tu si Zhang na patoranghon boha do las ni rohana karejo di situs Dunhuang.
Boi dohonon Fan Jinshi idola naposo di Tiongkok do saonari on. Mansai jot-jot do ibana di jou tu acara di TV laho patandahon boha do arkeologi. Sian i ma Fan Jinshi patoranghon taringot riset sejarah na di ulahon ni ibana jala adong do acara show na.
Mulak muse hita manaringoti si Zhang. Dung godang akka natorp manungkun taringot na dipplit ibana jurusan arkeologi, mansai torop ma akka arkeolog senior mangurupi ibana. Godang ma ro bukku dohot ugasan taringot parsiajaran sejarah dohot arkeologi ditongos tu ibana na laho patoranghon boha do ulaning taringot arkeologi.
Universitas Beijing dohot do marhobas, ditongos do surat jala diposting do dukungan marhite jurusan na dipillit nai.
On ma foto ni Fan Jinshi tikki poso na gabe periset arkeologi di Dunhuang di dok ibana,
"Dang pola mora di arta au, alai akka na hununuti gabe marlapatan do ala mangulahon i dibagasa las ni roha do au."
