Ahok nga mebat be gabe si surang jala si barbar losung di bangso on. Nga diparsipak jala dipantunggalinghon ibana be logika ni angka jolma gabe hira na loakon. Godang do jolma na tardok tarida songon angka namalo gabe tompu maoto, asing, jala gabe siparengkelon ni jolma. Sude on holan alani si Ahok.
Holan alani si Ahok, republik on gabe gaor, partai godang na gabe matutung mise na alani ditokko -tokkoi si Ahok na laho maju sian dalan independen. Istilah Independen pe gabe dipardugu tu partai. Hape Pilkada DKI 2012 na hinan, si Faisal Basri ro sian independen dang pola diparsoalhon. Tong muse, jalur independen i na di oloi amanta DPR do, halak i do na gabe penungkangi UU na boi dohonon ro sian partai do halak on (DPR). Baru muse adong istilah na lawak ima deparpolisasi. Hape sabotulna istilah i dang adong jala dang tingkos molo di baen talipistak na di luat Pilkada. Parbinotoan taringot bahasa pe gabe majal.
Holan alani si Ahok, tompu DPR gabe gasa-gasa on laho mang- revisi UU Pilkada teringot calon independen. DPR olo gabe jolma naso maila dohot mandengkari hira dakdanak, pantang so repot mambaen aturan na imbaru taringot Pilkada bangso on asa dang pola tarida ila na i hape so tar hasuhatan i. Holan ala asa boi manjengkar si Ahok, lomos do roha ni DPR on manusa i Pilkada . Molo nga songon on logika na nga kisut be satonga.
Holan ala ni si Ahok, dalan marpikkir ni DPR tarlumobi sian Komisi III gabe "pantang sobilak" jala "parhuta-huta hian" . Dua hata i didok si Ahok do tingkki di jou Komisi III. Komisi III neng manjou si Ahok taringot tu Sumber Waras i, ala dang boi gabe tersangka dibaen KPK. Jadi, logika na ima KPK dohot BPK do na ingkon di jou parjolo asa boi tarida hatorangan taringot tu Sumber Waras on. Baru molo porlu hian di jou ma si Ahok. Alai na ta ida saonari marbalingan do logika ni DPR.
Baru muse DPRD DKI Jakarta tong do loakon. Oktober 2015 na lewat. marhite amanta Abraham Lunggana, Lulung, pasukan DPRD DKI Jakarta ro gasa-gasaon tu KPK laho mangaduhon si Ahok ala terindikasi korupsi tingki manuhor tano Sumber Waras. Baru museng tiap bulan halak on manunggu singir jala manungkun tu KPK andigan do si Ahok gabe tersangka. Boi do dohonon halak on mamaksa KPK asa mandok si Ahok gabe koruptor. Alai ala KPK mandok si Ahok dang terbukti korup, Lulung dohot angka ces na gabe stress. Ba nga sala, halak dang jadi tersangka, adong di son na stres, loak-loak, aha do lapatan ni on?
Holan alani si Ahok, logika ni aktivis perempuan, ima inanta Ratna Sarumpaet gabe "loak". Yakin hian do inanta on mandok si Ahok korupsi di Sumber Waras. Bah, sian dia ma diboto inanta on? Baru na tardok mambaen ila na so tarhasuhatan, inanta on mandok si Ahok nga manuhor KPK, TNI, dohot Polri. Sian dia ma dalan ni on naeng? nang pe si Ahok puna 100 Trilyun hepeng , dang boi i manuhor KPK, TNI, dohot Polri. Na dipingkir si Ratna Sarumpaet on do haroa institusi i tiga-tiga na digadis mardiskon 80 %.
Holan alani si Ahok, logika ni angka sibotosurat na pantang sobilak gabe tasikon ala dang tarpatorang na sida boi si Ahok on gabe Bupati nata pe double minoritas, nga China, Kristen musek. Bari heado ibana naeng gabe Gubernur di Kepri an. Na beteng na musek kan, si Ahok on gabe Gubernur ni DKI Jakarta na boi dohonon pusu-pusu ni bangso on. Boi dohonon olo ma annon 2 periode si Ahok on. Hape sabotulna molo WNI jala boi mangadopi syarat dang pola sala molo gabe gubernur. Alai i ma dabe angka sikamabarbar na di liat-liat SARA gabe tiga-tiga ni angka siboto surat on do asa manjengkar si Ahok.
Holan alani si Ahok , angka politisi indomie gabe marmumbangan. Ro ma halak on tu natorop marhite pahean na dongkonon modis hape pencitraan do. Ima angkang ta si Yusril, tompu ro tu onan alai baju na miki-miki, baru na ari Jumat i rap ma dohot angka natorop sholat. Boasa soanari boi songoon i, sian dia na nan toari di laon laon ari?
Holan asa boi mangalo si Ahok, amanta si Ahmad Dhani adong program na mambaen baba ngangang. Di dok ibana molo gabe Gubernur DKI annon ibana, macet ni DKI Jakarta sae dibagasan saminggu. Adong do pasukan antimacet naeng dibaen ibana. Molo adong metromini so jala mambuat sewagasa-gasa on, supir na dilincingi saribu hali molo mangalo aturan. Baru muse si Ahmad Dhani on mandok Transjakarta dang porlu asa unang macet. Talak jala madede ma iba alani longang na.
Holan alani si Ahok boi ma ni ida di onan manang di mall adong "Teman Ahok" na papunguhon fotocopy KTP ni angka natorop. Hape biasana di mall si songon i angka tiga-tiga do, hape on ni ida promosi jalur independen. Longang si tutu.
Holan alani si Ahok, media sosial gabe galempor. Adong ma foto na marsurat
" Au Silom, alai huppilit do si Ahok."
adong musek
" Au Kristen alai dang hu pillit si Ahok." dohot angka na asing.
Godang muse angka media sosial na manggunturi si Ahok lao mangalului anti na jala annon ditintingkon di na torop.
Sude na tataringoti on holan alani si Ahok. Jadi holan ala ni sahalak na margoar si Ahok, lam guntur do bangso on jala lam maoto do? Manang holan alani si Ahok angka pikiiran ni jolma gabe malo jala bisuk tu na deng gan di joloan ni ari do?
Ba alusna
Pattalak ma simalolong, patinggil ma parbinege, jala dok ma na sidohonon, alai unang patalak sude da.
ni enet sian.
Asaaro