Sejarah Seragam Dinas Militer Sian Najolo Sahat Tu Sadari On

Dinas na parjolo marupa 'scarlet" na rara dungi gabe rupa "khaki" na songon rupang ni tano

     Inggris do na parjolo na mambaen dinas ni akka tentara na asa seragam. Dibaen songon on asa mura do mangatur jala pabarishon akka tentara i di Porang Boer 1899-1902. 

   Rumang ni dinas na dipakke tentara Inggri na di ginjang tikki Porang Boer II digoari ma "khaki" di lapatan na " rumang ni tano" na dienet sian hata Urdu, jala marmula sian hata Persia ima"khak" na mandok tano. Unit angkatan darat na parjolo hian mamakke dinas songon on ima Corps of Guides di Peshawar, Kemaharajaan Inggris. Sir Harry Lumsden dohot wakilna William Hodson patandahon on di taon 1848. Di dok akka tuan i, dinas na songon on denggan do di iklim na mohop jala dang pola mura diida akka musu. Marhite i dipakke sude resimen-resimen na adong di India ma dinas on. 

   

    Dung monang tentara Inggris di Porang Boer II on, gabe godang ma akka tentara sian negara na asing na mamake dinas na marupang khaki on ala di dok mansai denggan pakkeon di tikki marporang ala maol mangida rupang na i na sarupa hira rupang ni tano. Alai selain rupang ni khaki, adong dope rupang na margoar Blue Horizon na dippake di Prancis taon 1903. Adong do tong rupang abu-abu 'flaudgrau" Jerman sian taon 1907. Dung sadia leleng boi ma di dok mansai marlapatan do mambaen dinas tentara on seragam tikki mulai Perang Dunia I di taon 1914-1918. Kamuflase na marlapatan ala godang do akka tentara na marporang. Dinas na seragam on boi mambaen akka sniper, bren, kapal terbang,  dohot akka na asi gabe susa lao mangida dohot manembak nasida.

    Baru di Perang Dunia II ma adong dinas loreng-loreng na dicetak sian masin jala boi dibaen godang (massal). Alai tikki i mansai arga dope tuhor dohot biaya percetakan, gabe holan unit-unit khusus do na mamakke dinas loreng on. Waffen-SS ima organisasi militer Partai Nazi, British Airbone, USMC manang marinir AS, dohot akka na asing. 

  Mambaen seragama loreng massal di akka negara-negara na asing baru pe dibaen tikki mulai Perang Dingin sahat tu sadari on. Jala Indonesia pe adong do goar na Loreng NKRI.

Nienet sian : https://qr.ae/pNUwOW