Parmalim Tikki Manonggo Debata Mulajadi Nabolon
Foto: tirto.id
Ra di akka deba- deba jolma, akka parmalim dirippu do akka jolma na hatinggalon zaman jala holan adong diakka torsa-torsa na jolo. Hape molo ni etong nungga adong 5-6 ribu halak na marugamo Malim na marserak di liat ni Tao Toba dohot di Pulo Samosir. Alai Malim baru di tikki di ari-ari parjolo hita meredeka pe asa di dok ugamo.
Di dok jolma parjolo di portibi on dang si Adam dohot si Hawa. Alai Si raja Ihat Manisia dohot dongan saoroan na do ima si Boru Ihat Manisia. Dang songon Adam dohot si Hawa na tuat tu portibi on sai sungkun-sungkun dope halak di dia partuat na. Alai molo Raja Ihat dohot Boru Ihat nga di dok tubu di Pusuk Buhit ima sada dolok na adong di sabola pastima ni Pulo Samosir.
Di pulo vulkanik di tonga ni Tao Toba, Sumatera Utara, Raja Ihat dohot Boru pajongjonghon huta na parjolo di Pusuk Buhit. Di baen ma goar na Sianjurmula-mula. Tolu do gelleng na ima: Raja Miokmiok, Patundal Nibegu, dohot Aji Lapaslapas. Dang songon Raja Miokmiok, anggina na dua na dang pola diboto boha do tording na tarombo na. Raja Miokmiok puna gelleng na margoar Eng Banua. Eng Banua puna gelleng na margoar Raja Aceh, Raja Bonangbonang, dohot Raja Jau.
Di sada torsa, Aceh do na gabe ompung ni halak Aceh, alai di torsa na asing mandok Aceh dohot Jau lilu do jala dang pola diboto partinaromboan na. Raja Bonangbonang puna anak sahibung na margoar Guru Tantan Debata na tu joloan ni ari puna gelleng margoar Siraja Batak. Di kajian sejarah, Siraja Batak di dok do na gabe ompung ni halk Batak. Ibana ma na gabe mula ni tarombo na tu joloan ni aro gabe pamukka ni asa adong akka marga-marga.
Ra akka na pinasahat di jolo i di akka halak Batak si nuaeang olo do hira torsa na so masuk di akkal jala dang pola di hantushon na toho do i manang daong.
Alai molo di Parugamo Malim manang na hita dok Parmalim. Sude na di dok i dihaporseai akka Parmalim do.
Nata per dang pola godang torop ni halak Parmalim alai sian data di taon 2010 na di surathon Ibarhim Gultom di buku Agama Malim di Batak ,adong do hira-hira 5 ribu halak manang 1.127 parjabu na gabe Parmalim. Jala tardok do ugamo on dang pola siar di Sumatera Utara alana di baen negara do gabe "aliran kepercayaan" na marimbar dohot ugamo na hita bege siganup ari.
Di Parmalim, Tano Batak mansai basa jala ias di. Pusat administrasi dipajongjon do di si, ima di Huta Tinggi, Laguboti, Kabupaten Toba Samosir. Ibrahim Gultom hea do dua taon di san lao pasaehon disertasi taringot ugamo Malim. Tikki ibana mulai manurat disertasi na i, na adong taringot Parmalim na gabe modal na ima tesis Sihombing (1994) dohot Siregar (1996). Na manigati Parmalim sian liat teologi dohot sosiologi politik dang manigati Malim sian liat antropologi. Boi dohonon kajian ni Gultom on gabe studi akademis na lobi komprehensif taringot ugamo Malim.
Songon na di dok ni Raja Marnangkok Naipospos, katua pusat agama Malim (1981–2016), Di sada tikki di bulan Mei 2015, asa mandok tirto.id manjumpangi Gultom molo laho mamboto Malim sian liat akademis.
“Ibana halak ro do na lobi mamboto taringot Malim. Dison ibana toho do marsiajar taringot ngolu dohot boha do akka Parmalim,” di dok Raja Marnangkok.
Di akka Parmalim, Raja Marnangkok di dok do ihutan manang pemimpin tertinggi di ugama Malim. Molo sian tarombo, Raja Marnangkok ima Ihuta patolu hon dung among na, Raja Ungkap Naipospos, dohot dung ompung na, Raja Mulia Naipospos.
Nata per otik torop na, alai Malim dang na imbaru di halak Batak. Bangso Batak molo sian kajian antropologi, nga adong hira-hira sian 1.500 ro di 2.000 taon na lewat. Jala molo songon na di dok ni Parlindungan(1964), bangso Batak parjolo di Tano Batak nga adong sian 3.000 taon Sebelum Masehi. Alai Malim baru dideklarasihon na gabe sada ugama marhite Raja Nasiakbagi dohot na mangihut hon, Raja Mulia Naipospos, tikki di jolo ni ari-ari kemerdekaan Indonesia.
Molo taringot Malim di ari-ari na jolo holan hata-tu hata do di pasiarhon. Alai di tikki Siraja Batak, di dok jala nga diboto be na hea dilean ibana surat tu akka gelleng na, surat na disurathon marhite hata dhot surat Batak. Surat na parjolo margoar agong na dilean tu Guru Tatea Bulan. Di bagasan tarsurat taringot ilmu hadatuon , mossat, tabas, dan hulubalang.
Surat paiduahon tu Raja Isumbaon, di dok surat tombaga holing. Di bagasan na taringot ajaran-ajaran haraja on, uhum dohot patik, taringot hauma, partiga-tiga an, dohot kesenian.
Surat na asing tarida di pudian ni ari iam pustaha habonoron na di dok di surathon langsung marhite Sisingamangaraja XII, na gabe sada halak na basa (nabi) molo ajaran Malim.
Di Parmalim, na gabe mual ni uhum ima tona, poda, patik , dohot uhum .
Mula ni Malim Na Gabe Ugamo
Dung tarsiar hamamate ni Sisingamangaraja XII di sude luat Batak dohot na hombar tu si di taon 1907. Di tikki i dang adong dope di dok ugamo Malim. Marhaporseaon tu Debata Mulajadi Nabolon, jala mandok Sisingamaraja XII na gabe sada panurirang na. Alai dang pola adong dope na mamboto manggoari aha do halak na marhaporseaon tu si.
Dung monding ma Sisingamangaraja XII mansai marsak jala mabair ma akka raja-raja na asing. Dungi musek ala ni politik devide et impera gabe mura ma masuk Bolanda tu luat Batak.
Nata pe songon i adong do sada halak na porsea di iman na tu Debata Mulajadin Na Bolon jala porsea taringot Sisingamangaraja XII. Goar na Lanja Naipospos, Na tujuloan ni ari ala ni haburjuaon na gabe marganti ma goar na gabe Raja Mulia Naipospos. Tikki dang di baritahon monding Sisingamangaraja XII, Sisingamangaraja XII mar tona tu Lanja asa torus paserahon haporseaon ni halak Batak tu Debata Mulajadi Nabolon.
“Alai pos roham, ro ma ama na tau haposan ni roham. Alai dang pola ajaranghu ho di si. Ai tibu hian do ho diajari tondinghi,” di surathon Sisingamangaraja XII di panutup ni surat ni panurirang i tu si Lanja.
Diganti ibana ma goar na tikki i gabe Raja Tubu asa dang tardakot ni otoritas pemerintah kolonial Belanda. Ditikki i pe, gerakan misionaris na di buathon Nommensen—par barita nauli Injil sian Jerman na tu joloan ni ari pajongjonghon Huria Kristen Protestan Batak—mansai rarat di Tano Batak.
Alai, di akka Parmalim, Sisingamangaraja XII ima panurirang (Malim Debata) na dihaporsea i boi ro marhite rupa na asing dohot di akka inganan.
Dungi tarida ma Raja Nasiakbagi, songon na di dok Sisingamangaraja XII di surat na tu Lanja Naipospos. ibana ma na di dok Malim Debata ibana ma na mandok asa Malim gabe sada ugamo marhite hata na na mandok. “Malim ma hamu” Ima hata sipaingot ni Raja Nasiakbagi tu akka sisean na jala gabe sada tikki di dok adong Ugamo Malim.
Di dok ibana ma asa dibaen sad Bale Pasogit Patonggoan inganan na gabe pusat administrasi Malim di huta ni Raja Mulia, ima di Huta Tinggi, Laguboti.
Di si ma tirto.id parpudi pajumpa dohot Raja Marnangkok na manguluhon mararisabtu. Ima ari songon parmingguan di ari di halak Kristen
Di tikki i nga marsahit sahit be Raja Marnangkok alani asam urat dohot sahit gula.
Dimulai ma mararisabtu pukul 11. Masuk ma halak i tu inganan na di dok Bale Pasogot. Na di tarup na adong tolu hiasan manuk jambe. Masuk ma marbaris. Molo di siamun akka Baoa molo di hambirang akka borua
Ias jala bagak ma paheaon di tikki mararisabtu jala molo baoa pakke tali-tali do ima songon tali na bontar na di lilithon di simajujung. Molo akka boru markabaya, mandar, dohot ulos. Paima so masuk tu Bale Pasogit i di pintu masuk na ikhon di peakhon ma akka sipatu, solop manang na tording tu si.
Alai di bulan Mei 2017 nga ditutup polisi resort Toba Samosir be inganan i. Dung monding Raja Marnangkok gabe puntar ma Parmalim gabe dua jala marbadai.
Ima kelompok Monang Naipospos, anggi ni almarhum Raja Marnangkok. dungi muse sada nai kelompok Poltak Naipospos, anak pa opathon almarhum Raja Marnangkok. Akka sisean na mandok halak i na dua gabe Ihutan jala marsiboan lakka na be marihite ihutan na .
Dang holan parbadaan taringot ise na gabe Ihutan, Parmalim pe margulut taringot Bale Pasogit. Dung di tutup inganan i dang adong be inagan na gabe Bale Pasogit laho mararisabtu. Alai kelompok Poltak Naipospos mammilit asa accara ni Parmalin di papinda tu ingan na asing. Ima songon acara Sipaha Lima, 5–7 Juli na toar, di baen Bale Persantian, Medan Denai.
Songon na di dok ni Poltak Simanjuntak, humas Parmalim sian kelompok Raja Poltak Naipospos, acara i di baen ala sada ajaran ni Malim na so boi di elakhon jala acara si songon i di ruar ni Tano Batak sai parpudi mai. Molo Medan i Tano Deli do i jal sasintong na ikkon di Tano Batak do i dibaen. Alana ni i nga dibangun be ingan na imbaru ima Bale Pasogot na imbaru di Huta Tinggi asa adong inganan tu taon na ro.
nienet sian
https://tirto.id/malim-agama-lokal-suku-batak-dari-huta-tinggi-csFw