Boi do Makkar Modom Molo Adong Lapatan Na

Riset Gale & Martyn: Akka na makkar modom , taringot tu parhepengon na dumenggan do. Logika ni akka na makkar modom dumenggan do.

     Ra godang do hita mambege molo makkar modom dang denggan tu daging dohot pikkiran. Alai marhite sian penelitian na dibaen akka na malo adong do hinadenggan ni molo makkar modom. Tarsongon iba najolo molo modom dang hea lewat sian pukul 23.00. Alai ala ni karejo dohot pardonganon dohot parmeamon saonari, gabe boi ma iba didok jolma na makkar modom molo di hata Indonesia na "manusia ngalong".

    Saonari ditonga ni akka dongan karejo na karejo sian sisogot sahat tu botari, Iba boi ma dohonon jolma na minoritas. Hiccat pe iba nga pukul 09:00 ipe alani guntur ni panangga na laho mandok mangan. Akka dongan pe mandok asa iba mangolu dohot sehat molo boi modom ma hatop jala tikki dipodai taringot modom didok dope taringot sega ni jolma na holan dohot na makkar modom. Di hita on, jolma na dungo hatop hatop jala marpadot si manogot mansai beteng do. Dang pola longang roha molo adong hata mandok "Anak perawan nggak pantas bangun siang-siang." manang "Rezeki orang yang bangun kesiangan akan dipatok ayam."

    Gale dan Martyn (1998) ima periset na penelitian na ro sian aha na di dok ni Benjamin Franklin, “Humatop modom jala dungo mansai sogot mambaen sahalak  lobi sehat, hipas, jala bijak.”  Laho manguji validasi asumsi Franklin, dibaen halak i ma studi tu 1229 responden na ro sian jolma na modom hatop  dohot akka jolma na ulaon na makkar modom.  Embas na, dang adong relasi ni dungo si manogot  dohot kesehatan, dohot sosial ekonomi, dohot taringot  kognitif sahalak jolma. Jala sian riset na dibaen ni halak i, adong do tarida taringot denggan ni parhepengon ni jolma na makkar modom. Di dok disi, ala na makkar modom boi do mambaen jolam lobi produktif, lobi kreatif, jala marsiajar laho mangalului dalan ni hepeng di siala hamakkar modom on i.

      Psikolog Richard Roberts sian University of Sydney dohot Patrick Kyllonen sian Air Force Research Lab mangida sian penelitian na binaen ni halak i.Tikki diaben manang piga tes kecerdasan, skor akka jolma na makkar modom dumenggan do rata-rata molo diimbarhon tu akka tes jolma na tagi dungo simanogot . Jala, Roberts dohot Kyllonen mangida adong do imbar na  signifikan sian  hatop ni repon ni memori sian dua tipe responden na i.

    Sian  Health Nut News, Erin Elizabeth mamaben adong do denggan jala toho ni jolma molo makkar. Studi sian Catholic University of the Sacred Heart, Milan, mandok, jolma na makkar mansai kreatif do somalna

    Penelitian sian University of Madrid  mangobservasi 1000 akka bajar landit mangindikasihon akka jolma na makkar modom mansai denggan do aspek logika na molo di imbarhonsian jolma na hissat manogot. 

    Studi na asing ro   sian The University of Leige, Belgia, pataridahon  akka jolma na hissat manogot humatop do loja mental na mentalnya molo diimbarhon sian na jolma makkar modom.  Dilehon ma tes na leleng na  lelelng 10,5 jam dung dua tipe responden dungo , akka na makkar modom mansai leleng do siaga  molo diimbarhon sian akka jolma na dungo manogot . Sada nai, dibuat sian NYMag, marhite sian study na binaen ni University of Westminster, Inggris, jolma na dungo simanogot molo karejo pukul 7.21  level kortisol—hormon  diasosiasihon dohot stres—gumodang do jala torus maningkat 

     Nata pe songon i denggan ni penelitian on, ikkon ingoton do tikki karejo dohot konsep profesionalitas dang boi torus-torus sarupa dohot tikki ni akka jolma na tagi makkar modom.  Fleksibilitas jala manjaga stamina ikhon tong do di ida . Jala tikki makkar ikkon adong do ulaon na produktif. 

https://tirto.id/bergadang-boleh-bergadang-karena-ada-artinya-cmzS