Nata pe iba par Dolok Sanggul dang hea dope iba laho tu Sipinssur on. Jadi tikki taon baru lao ma au mardalani tu inganan i huhut mangida boha do sabotulna Sipinssur on. Dung sahat iba tu si ba toho do godang si tutu akka natorop ro tu si. Dung masuk ma iba tu si pintor humalaput do panjaga karcis di si mangido hepeng parkir masuk. Jadi masuk ma au tu bagas huhut manigat puro,
"Sadia do amang boru parkir na?"
" 4 ribu do lae."
" Ba na ma amang boru." Huhut hu lean ma arga 5000 hepeng na.
" Ba dang adong ulak na arga 1000 lae." Huhut hingar
" Ba antong dia ma karcis na amang boru molo songon i. " Tong hingar au.
" Dang adong karcis-karcis saonari di son lae iban na taon na imbaru i."
" Ba ido ate amang boru ate." huhut mengincir au tu parkir naung tarulang i.
Molo ni ida potensi ni Sipinssur i denggan do apalagi molo denggan dikelola jala si toho diparate-atehon. Hape boha ma dohonon na situtu halak i na parate-atehon si Pinssur, taringot tu karcis na gabe sada bukti tarsurat sadia data halak na ro tu si pe dang adong, margogohon tangiang do haroa mangetong jolma na ro tu si. Longang si tutu do iba dung ni panotnotan aha na masa di si Pinssur i.
- Sampah maradakan.
- Manjangkiti hira bodat do olo na marfoto jala tindang pas di ginjang ni handang na gabe tali pistak tu lombang i (Ni dok ma ulaon on na manjou mara )
- Jolma pause tu ramba-ramba do tong.
Ima saotik na boi dohonon taringot tu Sipinssur na boi si parate-atehonon ni pamarenta Humbang Hasundutan. Boha ma boi mangalusi taringot tu kebun bunga 10.000 ha molo taringot tu Sipinssur pe diradoti hera na mangaradoti tiga-tiga ni parsendor.