Saonari ni baen ma taringot tu amanta Basuki Tjahaya Purnama manang na hita tanda Ahok. Aha na ni baen di son ima ni enet sian postingan ni si @kurawa sian twitter. Jala ni padenggan ma hata na adong di twit i alai dang pamagohon lapatan ni twit na sian si @kurawa i. Jadi dang pola marganjang-ganjang nion ma ibana.
Ahok ima anak ni Tjung Kim Nam dohot inong na Buniarti Ningsih, 4 halak do anggo akka anggina ima ( Basuri, Fifi, Hari). Ahok puna 1 anggi na siampudan alai monding tikki marumur 12 taon ala dilanggar kareta. Dang pola godang jolma mamboto taringot on ala dang pola ditaringoti media-media.
Ala dang lehet nian molo dang ni taringoti taringot tu among ni si Ahok. Kim Nam mansai beteng do di huta na tarlumobi di natua-tua di Belitung. jadi boi do dohonon beteng si Ahok di huta na alani among na on do. Kim Nam sahalak pengusaha sukses di Belitung, bisnis utama na ima gabe vendor/ kontraktor PT. TIMAH na beteng i na jolo.
Pembangunan dalan, bangunan sahat tu pengadaan barang PT. TIMAH dikarejoi Kim Nam. Jadi dang pola longang molo Kim Nam dijou gabe tauke manang tokke.
 |
On ma gedung SDN 06 naung mar umur 25 taon na dikarejoi among ni si Ahok
|
Kim Nam tipikal halak naso boi mangida halak mulak sian jabu dang hona urupi, alani i tagi do akka jolma ro tu jabuna laho mangido asa diurupi sikkola, marubat, sahat ro di na mangan. Kim Nam olo do marutang tu halak asa boi mangurupi jolma na ro mangido pangurupion tu jabu na. Jala hea do ibana manggade hon cek asa boi mangurupi akka halak na asing.
Jala di dok supir pribadi ni Kim Nam hea do ibana di dok asa manginjam hepeng tu ompung ni si Ahok asa boi among na i mangurupi halak. Boasa gabe ikhon supir i na manginjam? ala nga jut be roha ni ompung ni si Ahok ala holan na manginjami among ni si Ahok i laho mangurupi halak. Jala hea do among ni si Ahok mangalean jatah susu ni gelleng na tu halak. Inong ni si Ahok holan na marilu-ilu no ditikki i jala mandok "Akka pansarian nungga diatur Tuhan i.
Taringot tu haburjuon ni si Kim Nam tarbarita do tu luat Belitung, boi dohonon hira taringot tu ngolu ni si Pitung na di Batavia an ma ibana, alai Kim Nam dang gabe panamun, dipakke ibana hepeng na sandiri do. Tikki Soeharto gabe presiden ni bangso on tagi do ro pengurus DPP Golkar tu jabu ni Kim Nam. Nata pe beteng ibana di Golkar, dang olo ibana masuk gabe pengurus alani hita boto do lomo-lomo ni Soeharto do tu halak Tionghoa. Dibaen ma ibana hira halak nadituahon di Golakr Belitung, jala molo adong akka ulaon sai digokhon jala di jou do si Kim Nam on ala diboto Golkar do ibana halak na dihaholongi do.
Tagi do dipaloas si Kim Nam akka gelleng na asa mambege akka aha na di hata i ibana dohot akka halak na ro tu jabu na marhite martarokkop di ruang tamu i. jadi boi ma diboto si Ahok dohot akka anggina akka aha do na gabe maksud ni akka jolma na ro tu jabu ni halak i. Mulai sian na manginjam hepeng sahat tu urusan dikompas aparat hukum nga tagi dibege si Ahok. Apalagi tikki Belitung gabe bagian ni Provinsi Sumatera Selatan boi dohonon tiap ari do aparat hukum mangompasi among naon, molo dang di lean si Kim Nam dipabiar biar ma among nai dohot hata "Hami tutup annon usaha mon da!!!"
Konsep ikhon adong na gabe "saksi" sian si Kim Nam on ma dibaen si Ahok tikki karejo di pamarenta, direkam ibana ma aha na ditaringoti halak i tikki rapat dungi di baen ma tu youtube.
Boi dohonon akka na dilean ni Kim Nam tu akka gelleng na gabe dasor ni ngolu ni akka gelleng na do nata pe ro sian akka hal-hal na sederhana.
Tekanan na ro tu si Kim Nam sian aparatur pemerintah mamaben tumbang ma usaha na jala tikki Kim Nam among ni si Ahok monding di taon 1996 maninggalhon hutang hira-hira 3 Milyar ala ni bisnis dohot mangurupi halak na asing.
Ima parjolo taringot tu si Ahok dohot latar belakang keluarga na, muse di torus hon annon tu liat na asing.