Dua puisi J.R.R. Tolkien na mago i nga dapot be di sada majalah sikkola Our Lady's School edisi 1936. Dua puisi ni pengarang buku na dibaen gabe film na mansai dihaholongi jolma, Lord of the Rings, judul na ima “The Shadow Man” dohot “Noel” na disurat ibana di taon 1936 tikki Tolkien gabe profesor di Oxford University.
Puisi-puisi i jumpa ni si Wayne Hammond, pustakawan,peneliti, dohot pangajar na mansai manghaholongi akka aha na hea disurat ni si Tolkien.
Di sada ari , Hammond mangida aha na hea di surat ni si Tolkien, na mandok pengarang ni The Hobbit i nga hea mambaen dua puisi di sada majalah na di dok ibana The Abingdon Chronicle.
Hammond mandokThe Abingdon Chronicle i majalah ni Our Lady's school, sada sikkola Katolik Roma. Dung diboto ibana songon i, pintor dijumpai jala dihatai ibana ma tu kepala sekolah Our Lady, Stephen Oliver.
“Loja do hami mangalului majalah taon 1936 dungi di dok hami ma tu si Hammond asa mangalului arsip sian Sisters of Mercy di London. Alai tikki marhobas hami laho acara alumni, jumpa nami ma salinan ni majalah jala dapot nami ma dua puisi na dilului ni si Hammond i” tutur Oliver.
“The Shadow Man” taringot tu sahalak baoa na so adong dongan na, dungi ro ma borua na marpahean kulabu dungi haliluni halak i na dua gabe sada. Puisi paduahon , “Noel”, taringot tunatal dohot Maria inong ni Jesus.
sian