godang angka pangemor dibagasan pegawai, jala nepotisme adong dope tinggi test PNS, korupsi tong godang, Godang ni PNS alai dang imbangi dohot kualitasna mamaben bangso on sai tong songon-songon i.
Gabe PNS sai gabe cita-cita ni jolma sian najolo sahat tu sadari on. alani aha, ala ni ngolu na pasti dohot tarjamin. Dung matua adong pansiunna. Songon i ma nipi ni angka pegawai na boi dohonon mansai las situt rohana di "zona nyaman".
Boha Sejarah Asa Adong Pegawai Negeri Sipil?
Jadi tingki adong dope pamarenta Hindia Bolanda di Indonesia on, dibaen ma parkarejo sian halak hita (pribumi)na gabe mangulahon si ulaon ni halak pamarenta Hindia Bolanda, di dok mai Gubermen na adong sian pusat sahat tu luat-luat na asing Molo angka pejabat tinggi na halak Bolanda ma, di angka luat na asing antar songon kabupaten di lean ma tu halak hita marhite angak jolma na dipillit pamarenta Hindia Bolanda, jala tu joloan ni ari angka gelleng ni halak hita ima pejabat na gabe manorushon karejo ni natorasna. Angka bupati adong ma na mangurupi sahat tu huta-huta , ima na di dok na wedana dohot asisten wedana.
Angka pegawai nangkin karejo, jala olo do karejo di borngin ni ari, jadi molo adong hamagoan, na matutung, angka na marlanggar, dohot angka na asing tong do halak on karejo. Jala molo ni ida dang pola adong imbbra ni aha na du ulahon polisi dot angka pamong i. Molo di halak Jawa, angka priyayi manang pegawai beteng do ngolu na molo ni imbar hon tu angka partiga-tiga manang angka pangula, nata pe olo sipata on mora sada manang dua halak angka partiga-tiga i manang pangula i molo ni imbar hon tu pegawai.
Jala olo do dipabiar biar natua-tua ni anak boru angka boru na molo pagodang ku bessut na, di dok ma " Hu pamuli annon ho tu partiga -tiga da." pintor mago ma bessut nai.
Molo sian leak marpahean, angka priyayi manang pegawai mansai ias do pahean na jala ture. Molo jabu na nata pe dang pola mamora, sai dohonon do tingkos jala denggan molo di ingani molo istilah na "layak huni"
Songon Dia Do Di Dok Pramoedya Taringot tu Priyayi?
Molo di ida Pramoedya, aha na saonari ta ida taringot tu priyayi ala ni salah di sistem pendidikan. Pram marlungun ni roha do ala gabe mago pendidikan na mangajarhon watak na mandiri, malo, jala bisuk. Saonari pendidikan gabe hona "komersial". Dang adong be ni ida pendidikan na denggan jala mura. Godang do angka na beteng di pendidikan mar hir hodok na asa godang hepeng masuk,dang dihantushon be kualitas pendidikan i.
Ala ni i, angka watak ni jolma na ro sian dorpi-dorpi ni sikkola saonari dang adong imbbar na tu angka jolma na jolo na jonok tu hata feodal. watak na mansai las roha jala manghalomohon gabe priyayi, ambtenaar, manang gabe birokrat. Godang do sidalian boasa lomo roha na gabe priyayi nata pe gaji na saotik, sada sian godang ni sidalian i ima taringot tu ngolus tu joloan ni ari.
Di akkui manang daong, pendidikan ta dang pola si toho-toho laho mambaen angka jolma na gabe jolma mandiri dohot berdikari. Jala olo do sipatat ni parroha hon pendidikan saoanari nga palonong hon nipi-nipi ta asa timbo mandasor tu joloan ni ari asa gabe priyayi. Pendidikan dohot sistem nya dang pola adong na manghattushon situtu asa angka jolma si saonari asa malo jala kreatif mandiri. Dang sala molo ganup taon sai adong do angaka pengguran na titel na sarjana, tarsongon ende ni Sarjana muda sian Iwan Fals i ma.
Songon na maol do mangida sistem pendidikan na berbasis konsep pembangunan watak songon na di dok ni Ki Hajar Dewantara di saonari on. Godang do na holan marhata manggang, holan manggadis ijazah marhite godang ni hepeng, godang do mangalului tetel asa marganjang-ganjang jala tar songon na beteng idaoan dohot jaha on.
Dang pola longang molo sai tong godang korupsi dohot angka pangemor. Godang ni koruspsi dohot angka pangemor dang alani ganjang na tali koruspi, dang alani gale jala dang tingkos ni ula-ula ni angka aparat, alai on holan alani taringot tu kesadaran.
Ambtenaar di bangso on nga mansai godang, molo di liat pegawai negeri nungga 8 juta halak, Indonesia ma bangso na on godang angka pangisi na gabe pegawai negeri, nomor 1 di portibi on. Jadi di dok Pram ma tingki di sada ulaon taringot tu pendidikan Asian South Pasifik di bulan Desember 2014 na di adopi angka sarikat non pamarenta na ro sian Asia tenggra dhot selatan. Di dok Pram ma, " Sita-sita na laho gabe pegawai negeri do mambaen maol mago korupsi, boasa? ala di birokrasi i do korupsi marharaja on."
Angka si boto surat antar songon menteri agama pe boi do gabe koruptor, ima molo sian birokrasi i. Aha na di dok ni si Pram ima unng pola pa teal ho molo gabe priyayi tarlumobi molo nga godang jala ganjang titel na. Alana titel i tarsongon piso, kareta, manang panggu do i, na gabe ugasan asa boi mangula di sada-sada ulaon jala asa hatop ro cita-cita na i songon na di Keluarga Gerilya (Cet 2, 2005: 320-321).
Sugari pe hita tong prosea tu lembaga pendidikan saonari, sabotulna ingkon adong do sian lembaga pendidikan on ulaon na gabe sada terobosan asa boi mambaen jolma na mandidi, parkarejo na malo jala nunut, olo bersaing di hatingkoson jala berjiwa kreatif. Alai boha ma dohonon nipe dope ra i, ala na ni ida godang dope angka par roha priyayi jolma saonari jala karejo na olo holan mangida angka proyek -proyek na boi gabe hepeng.
nie enet sian