Adongma 2 halak supir ni motor angkutan, martokkar ma halaki di dalan songononma hatana;
“Aha do maksudmu lae?”, ninna Supir A (poso, anttar 30 tahunan)
Manjonok tu angkot ni si B (nga bajar-bajar, anttar 45an tahun).
Di alusi supir b “Ho do aha maksudmu lae? Ndang tabo cara muna i nangkanin”.
Ro Supir A, ninna “Cara muna do na so tabo. Ndang adong dikalekson hamu hami tanda naeng lewat hamu”.
Supir B: “Ho do na so tingkos lae, sae dipasolhot hamu hami tu habbirang, na naeng pamatehon hami do hamu? Di hambbirang nami i lombang. Dungi hamu ndang adong mangkalekson.
Supir si A. Ahu do, hurang ajar”. huhut lam tar rimas, “Akh, heang, molo naeng maen eta. Eta annon manang didia, Dokma”.
Supir B tuat ma si angkotna, “Bah, saonnari ma eta. Dirippu ho do mabiar ahu”.
Ahu na gabe sewa di angkot ni si B na hundul di jolo alias ACC manghilala ingkon saut do na dua halak on main.
Supir A manjawab, “Par Siantar on do ahu, awas ho annon di huta nami an”.
supir B “Bah, dirippu ho holan ho par Siantar, molo naeng main, eta saonnari, unang pola paente annon. Suara na lam karas, bohi na marmerah manahan muruk na. Sementara Supir A lao tu mobil na sambil mandok, “Awas ho da!”.
Intor mengkel do ahu di bagasan rohaku mangida na masa i. Memang ma, angka na jago mangogapi do tahe angka jolma on. Tingki naeng ditopari, intor langsung mangalului sidalian, manang langsung lao sambil mandok, “Awas ho da!”.
Gabe taringot ahu tu cerita tentang halak Batak mangogapi halak par huta na asing di Jakarta. Didok na, “Kalau kau tak senang, ayok kita main nanti di pasar”. Dijawab alona i, “Sekarang aja kita main di sini, biar kubantai kau di sini”. Balos ni kedan halak Batak i, “Khan sudah saya bilang nanti”, las mangiccir ma bao i mulak tu jabu na.
Tarimangi ma angka ogap-ogap di ngolunta on. Sai na adong do i, alai tergantung hita ma songon dia menyikapi na, manang, molo diboto hamu teknik dohot cara mangogapi na mantap anttar ta taringoti ma.
Mauliate!!!