Dung matua au, ndang songon si naujui be daging dohot pikkiran hu,
Unang lemba hamu tu au. Hasabaron muna i porlu do laho mangaradoti au.
Di tikki hu usehon tes manang hua ni ikkau di meja inganan mangan i,
Laos margulu gulu aek ma bajukki, ai nungnga maos humitir tangan hu jala ndang boi be Huparentahon tangan hi dohot utok utok hu, maganju ma hamu!
Ditikki tarbereng au akka pahoppu hi manali akka sipatu na be,
Gabe huingot ma najolo boha do au mangajar ajari hamu laho manali gomos akka roha nadenggan di ngolu mu, asa unang tartuktuk di tonga dalan i.
Alai ingot hamu ma songon dia do au najolo i mangajari hamu,
Paboahon tuhamu songon dia mangadopi sude ulaon i.
Laos songoni ma nian patolhas hamu nang tu akka gelleng mu be.
Di tikki naung ro hatuaon i tu dirikku,
Sai maos huulakhon mandok hatakku na sai mulak ulaki,
Gabe bolosan hamu umbege sa, sai sabar ma hamu umbegesa.
Unang pittor gotap hamu hatakki.
Ai ditikki hadakdanahon mu, sai huulakkon do mandok hatakku laho paboahon akka nadenggan,
Jala sipata doi marulak ulak hutorsahon tu hamu.
Di ingot ho dope najolo naeng modom ho?
Marganup tongkin do turi-turian i huulakkon di ginjang ni podoman mi asa manaruhon hamu tu parnipion mu be.
Dung sernep hamu modom,
Hubereng do sipata daging muna i mangirditi huhut mekkel mekkel.
Di bagas rohakku, na rap makkatai ma ra hamu dohot akka suru suruan na di bagasan nipi muna i.
Di tikki dung mareak botari, unang losok hamu laho paridihon au,
Unang ma pabali hamu hasalaan i tu au molo tung pe so boi be huhusor hon tangan hi laho mangusa pamatang hu.
Dang diingot ho?
Boha do au manganju roham laho maridi asa sonang ho modom borngin nai.
Di ngolukku saonari on, sipata bukbak do au laho mangadopi akka na imbaru saonari on,
Na so adong tikki haposoon hu alani akka hamajuon mu saonari on,
Unang ma parekkeleli hamu au martata,
Sai ingot ma dibagasan roham boha do au naujui mangalus alusi ho diganup sukkun sukkun mu "boasa?".
Di tikki naung maol hupahusor pat hu jala dang boi mardalan,
Surdukkon tangan mu na margogoi laho manogu nogu au,
Songon tikki sidakdanakon mu sai hutogu togu do ho mangalakka ditikki marsiajar mardalan.
Di tikki na rap hita marhata hatai, lupa do au aha impola ni pangkataion ta,
Unang pittor muruk ho tu au!
Alai lean ma di au tikki saotik asa sai huingot aha na tahatai i,
Sasittong na dang porlu "aha" do natahatai,
Na mansai porlu di au asal ma di lambung hu ho mandongan dongani au
Jala mambege suarami pe nungnga tung hagabeon doi dia au,
Jala pamereng mi pe nungnga tu pangomoan bolon i di au.
Di tikki dibereng ho daging hu naung maheu, unang ho mandele,
Sai patogu ma dirim mamereng au,
Pagotu ma pangkilalanku songon pangajarion ku tu ho na sai laon tikki marsiajar mar roha.
NAJOLO, hutogu togu do ho laho mangalakka di dalan parngoluon on,
Saonari dongani ma au di ujung ni ngolukku parpudi on,
Lehon ma tu au holong na hea hu suan i tu ho mardongan hasabaron.
Patarida mai dohot ekkel na ias nang las ni roha.
Molo dibereng ho au mekkel,
Na patariashon holong naung togu doi sian au maradophon ho
Sian sidakdanakon mu sahat tu ngolum tikki on.