Adong ma sada torsa taringot tu sada namatua na holan mansari tu ngolu sadari.
Ibana dohot pahompu na baoa di sada huta na boi dohonon ngolu ni na matua on mansai pogos jala holan puna sada hoda. Amang ni pahompu na on monding ala madabu sian hoda tingki pajinak hon hoda na tardok hoda harangan.
Di na sadari mago ma hoda nai ala malau talina, gabe ro ma angka hombar na mandokk
" O ale natua tua asi ma roha mangida ho, nga mago be hoda sasada i, sian nahinan nga di dok hami asa paturean mu handang baen inganan ni hoda i, hape tumagon do ho patalihon tu batang ni hau. Asi ma roha mangida ho ale natua-tua, nga mago be arta sasada na arga i"
Alai aha ma di dok na matua i,
"Na ingkon ro ba ro ma, nga gabe be sisongon i ba boasa ma ni andunghon i. Dang taboto dope boha tu joloan ni ari. Dang suda dope daging on"
Marlaon-laon ari, tompu ma mulak muse hoda na mago i jala mamboan godang angkka hoda harangan na gabe dongan na.
Gabe ro ma angka hombar na mandok,
" Bah mangomo dio hape ho natua-tua, nga godang be hoda muna, Ba boi ma annon mamora ho natua-tua molo digadis ho angka hoda on."
Ro ma namtau i mandok,
"Naso jadi ba dang jadi, mangomo manang daong dang adong na umboto i. Dang mate dope daging on"
Alana ingkon dipajinak jala dilatik do jumolo angka hoda i asa boi digadis, gabe ro ma pahompu na laho pajinak dohot mangalatik hoda harangan i, alai boi do dohonon ula-ula na laho pajinak hoda i ula-ula na mansai jonok tu mara.
Gabe ro ma angka hombar na mandok,
"Natua-tua , dang mabiar ho mangida pahompu mi hona mara annon songon mara na ro tu amangna?"
Ro ma natua-tua i mandok,
"Naung salpu do i, tung naso jadi do baenon ala ni i gabe marsingkor ngolu, soro dope ari sogot alai boasa ma hita mambaen singkor alani naung salpu i. Na ingkon ro ba ro do i, Na so ro ba dang ro i."
Dung mangalatik manang piga hoda, tompu madabu ma pahompu nai jala maripok ma pat na.
Ro ma angka hombar na mandok,
"Asi ma roha mangida ho natua-tua, nga madabu be pahompu mi sian hoda jala maripok do pat na, na ingkon mengkat do ibana ra tu joloan ni ari."
Ro ma natua-tua i mandok,
"Dang suda dope ngolu, holan satonga dope di ida hamu songon dia parngoluan na, dang boi dohonon ibana marsingkor manang daong."
Tu joloan ni ari, masa ma porang di bangso ni natua-tua i . Ro do pamarenta asa angka baoa nasehat lao marporang jala angkat sinjata. Godang di marmatean alani porang i.
Angka hombar ni natua-tua i gabe malungun jala mangandung do alana angka amanta na dohotgelleng na marmatean alani porang i.
Ro ma hombar na mandok,
"Mangomo doho daba natua-tua, dang jadi magoan pahompu ho alana pahompu mi dang dohot marporang ala maripok i pat na jala mengkat."
Ro ma natua-tua i mandok,
"Boasa ma marsijogal hamu. Boasa dang bisuk hamu jala malo. Dang suda dope ngolu, holan satonga dope diboto hamu ngolu on. Tung naso jadi do baoan on mu singkor mi na uju i manang paro hon omo tu ngolus sadari on. mangolu ma ho sadari on, dalani ma i denggan, na ingkon ro ro do i, na so ingkon ro dang ro i.
Ni enet sian : Foklor China