Gabe selebritis godang do gabe tujuan ni jolma tu joloan nia ri. Boi dohonon molo gabe selebritis mansai beteng jala godang do manghalomohon manang tu dia pe mangalangka jala parhepengon pe gabe tamba do. Alai molo ni ida angka na gabe selebritis godang do na maninggalhon parsikkolaon manang istilahna pendidikan akademis. Alani padot na gabe artis, boi ma dohonon halak i gabe maninggalhon parsikkolaon na, sala doi? boi dohonon daong sala .
Nata pe songon i godang do tong selebritis na manjaga habetengon na jala parsikkolaon na. Dang tanggung- tanggung molo ni ida songon dia parsikkolaon dohot parsiajaron na tardok do mansai beteng jala tarbarita situtu parsikkola on nai. Ala ni i tarbarita ma tong selebritis on dang holan alani habatengon na na gabe selebritis alai tong do beteng na gabe parsikkola na beteng. Anga ise mai.
1. Edwin Libels
Tingki Marende
Tamat sian STAN
S2 gratis di Universitas of Illinois at Urbana-Champaign, Amerika Serikat (AS) Jurusan Master of Science Policy Economics.
S3 di Universitas Indonesia
2. Cinta Laura
Molo songon na sogo do roha muna ala ni muit ni si Cinta Laura on mangkatai ba doppon mai i di roham. Nata pe songon i, borua na tubu di jerman on sikkola jala nungnga lulus marhite predikat Cum Laude sian Columbia University inganan ni Presiden Amerika, Barack Obama tingki hian sikkola. si cinta on mambuat jurusan Ilmu Politik dohot Psikologi.
3. Andi Arsyil Rahman
Marhite manajemen waktu na tingkos, Arsyil dapot 3 gelar S1 yakni lulusan MIPA jurusan Fisika/Prodi Geofisika, Ekonomi jurusan Manajemen Ekonomi dan Teknik jurusn Teknik Informatika taon 2010. Pemain di film Tukang Bubur Naik Haji on pe godang do dijou jala mandohoti angka uloan na boi dohonon beteng molo tu pasrsikolaon ima.
juara III Lomba Fisika The Most Creative Student Award .
Hea gabe Tokoh Berkepribadian Pembangan (TBP) 2011 Duta International Youth Forum On Climate Change (IYFCC) 2011.
Ngamanurat dua bukku motivasi ibaan jala saonari tagi do di jou gabe parhata di angka ulaon-ualon na beteng.
4. Maudy Ayunda
Bagak, malo diparsikkolaan margitar, marende, dohot marakting ima si Maudy Ayunda. Ibana mahasiwi do di Oxford Universty. Sabotulna dijalo do ibana nian di Columbia dohot Oxford, alai dibuat ibana ma Oxford di jurusan Filosofi, Politik dan Ekonomi (PPE).
Maudy sempat do gabe parhata sian naposo di forum internasional, Regional Meeting and Stakeholder Consultation on the Post-2015 Development Agenda di Nusa Dua, Bali . Maudy manaringoti taringot tu hapogoson dohot pengangguran di jolo ni angka pejabat dunia termasuk mai amanta Presiden SBY tingki i.
5. Nicholas Saputra
Nicholas Saputra, nga malo jala ganteng ido na boi di ida jolma sian pemian ni AADC dohot Janji Jhoni on. Saonari ibana gabe treveler do. Molo ibana alumni UI jurusan Arsitektur do. Molo on gabe lae manang angkang baoa muna boha do ?
6. Dian Sastrowardoyo
Bagak jala malo ima na boi dohonon sian dongan ni si Nicholas Saputra on. S1 jurusan Filasafat UI, S2 Manajemen Keuangan UI. Tongkin nai adong nama filmna ima AADC2. Dang holan malo, itoan on pe artis na beteng do, jala di dok do ibana gabe sada tamu kehormatan di festival film di Cannes, Prancis.
7. Tasya Kamila
Hea do dibege hamu ende "Libur Telah Tiba" manang " Anak Gembala" na ni endehon si Tasya Kamila.
Saonari na mangendehon i nga balga jala uli situtu, si tasya on alumni sian UI jurusan Akuntansi. IP na 3,58 jala tamat dibagasan 3,4 taon. Mantap nai.
8. Alissa Soebandono
Godang do jolma tarsonggot alana si Alysa on tammat S2 sian jurusan Corporate Communication di London School Public Relation (LSPR) Jakarta diumurna 21 tahun. Parnijabu ni Dude Harlino on
S1 di Monash University jala lulus pada Desember 2011. Amang tahe.
Ima saotik angka selebritis manang artis Indonesia na malo dang holan mangastahon rupa dohot bohi. Molo halak i nga beteng tong do marsiajar jala pabetenghon diri sian dalan parsikkolaon, boha ma hita ?
Ba ni dok ma on asa boi gabe motivasi tu hita.