Lapo Ni Tondongta ima lapo di Senayan na puna ni Rukiah Saragih dohot parnijabu na boru Purba naung jongjong sian taon 1980. Na jolo di dalan Asia-Afrika do inganan ni halak i martiga-tiga, alai tu joloan ni ari gabe di jonok Lapangan Tembak Senayan na jonok tu Gedung Wisma Nusantara. Di lapo on adong do saksang, arsik, babi panggang, manuk na pinadar, sup babi. Molo di dok nampunan lapo nungnga adong 12 cabang di liat Jabotabek. Nidok Mulyadi Saragih na mangaradoti Lapo ni Tondongta, cabang di Mall Ambasador mambaen las roha na , alanan ima lapo parjolo na manggadis sipanganon ni halak Batak na martiga-tiga dibagasan mall na somal na holan di restoran do digadis akka saksang dohot na asing. Molo akka panuhor na torop do, dang holan par Jakarta, akka par Manado, China, dohot Ambon tong do mangan di lapo on. Lapo on nuaeng di radoti akka gellengni Rukiah Saragih.
Lapo na asing na di Senayan ima Lapo Siagian boru Tobing, lapo na pinukka ni Arifin Siagian di taon 1984. Molo di lapo naung di raditi gelleng ni Arifin, Paulus Siagian, on adong do istilah na harga subsidi tu akka kalangan menangah tu toru. Molo supir ni taksi holan 20 ribu pe nag boi mangallang butong di son. Jala molo akka halak biasa boi ma manuhor songon arga na adong di menu.
Lapo Dainang adong dope puna ni Wati Sitompul, najolo martiga-tiga di liat Kelapa gading do ibana alai tutup do disi. Dungi lao ma ibana mamukka tiga-tiga di Senayan, nga adong cabang na di Siantar dohot Medan.
Lapo Na Gabe Strabucks Ni Halak Batak
Lapo molo di halak Batak ima ingan marnonang tarlumobi di akka ama, sude sitaringotan boi do begeon di son, songon na di dok ni Raja Humuntar Panggaben, ima parkarejo di gedung wisma Nusantara, Senayan.
Alai adong do imbar ni lapo di Medan manang di tano Batak molo diimabrhon tu lapo na adong di Jakarta. Molo lapo na adong di Jakarta holan inganan parmanganan do i jala dibaen ma adong donganna akka musik manang parende dibagasan.
Molo akka pejabat tagi do mangan di lapo, antar songon Hotman Paris na marlangganan mangan di Lapo Dainang. Molo Ruhut sitompul, Maruar Sirait, Hinca Panjaitan, dohot Lasona Laoly marlangganan mangan di Lapo ni Boru Siagian.
Molo lapo boi do dohonon simbol pardongannon ni halak Batak. Molo di lapo na tataringoti on, mulak marminggu godang do akka halak Batak marpungu jala pajumpa jala marsitandaaon. Ala ni i mansai lungun do roha ni akka nampuna lapo i dung di dok halak i ikhon mebat sian i. Alana dang songon restoran na asing, lapo mansai maol jala godang do sayarat na asa boi di pukka nampuna sa, tarlumobi molo jonok jala godang akka Silom di si.
https://tirto.id/senayan-dan-lapo-para-politikus-chuA