Tongkin nai nama Pilkada DKI, embas politik Jakarta nga boi ta ida sian barita dohot sosial media. Angka na "tongka" sian perpolitikan on dang boi be ditabunihon, saonari nga dipatalak-talak jadi dipatedak tu natorop marhite angka talkshow di tivi, diskusi, sahat tu pakter tuak.
Godang do goit-goit na dibaen asa boi diida jala dibege angka natorop taringot tu Pilakda DKI on, ala ni i boi ma di ida natorop ise do na dihutti ise , ise do na dijekkar si ise , jala boi do dohonon ise manggadis ise. Ala ni i, godang do goar politisi ni bege jala boi do dohonon adong angka politisi na tompu tarida ala adong ro sian survey-survey.
Sada goar na gabe sisogo tu angka calon na asing ima amnta Ahok. Molo ni ida sian survey-survey, goar ni amnat Ahok mandapot elektabilatas na timbo ditamba muse nunutni Teman Ahok na papunguhon KTP asa boi Ahok mardalan laho dohot Pilkada DKI sian dalan independen. Boasa gabe songon i? Ala boi do dohonon mansai leleng do boa-boa ni parpol tu ibana.
Jadi, Bohado Manaluhon Amanta Ahok On?
Molo taringot Pemilu, adong do tolu struktur peluang na ingkon diida jala dimanat-manati calon dohot partai molo ingkon monang di Pemilu.
1. Probabilitas Perolehan Suara.
Molo on 4 bagian
Parjolo
Popularitas manang Habetengon.
Molo sian suervey ni CSIS na dienet sian tanggal 5-10 Januari 2016, habetengon ni si Ahok adong do mar 94%, Tantowi Yahya 81%, Ridwan Kamil 71, 25%, Haji Lulung 69,25%, Hidayat Nurwahid 64,50 %, Tris Rismaharini 63,75 %, Adhyaksa Dault 50, 75 %.
Paduahon
Elektabiltas manang Na Mamillit
Sian survey nangkin adong do 45 % na mamillit Ahok, paduahon RK 15, 75 %, Tris Rismaharini 10 ma dipatoluhon.
Adong muse survey sian Sinergi Data Indonesia (SDI) na dienet sian tanggal 1- 12 Februari 2016, tong do na mamillit Ahok 41 %.
Patoluhon
Disukai Manang Na Marhalomohon
Sian Survey i adong do 67 % na mansai las roha na taringot tu karejo ni si Ahok jala 29 % dang manghalomohon karejo ni si Ahok. Na mangkalomohon on mansai las do roha na tu karejo ni si Ahok on di liat-liat ni infrastruktur manang ugasan ni kota, pangula birokrasi na tor ligat, jala transparansi anggaran pamarenta.
Adong do survey sian Cyrus Network na mangida angka na marbadai dohot marsoal, ise do sian halak on na di haporseai na torop. 63,4 % mang haporseai si Ahok do jala holan 8, 6 % na porsea tu DPRD DKI. Lobi na dang mangalusi / dang mamboto. 17,5 % mandok si Ahok parmuruk, rimas, jala mura hian lagaon. Alai 50,3 % mandok toho do muruk ni si Ahok ala pataridahon habaranion dohot haburjuhon na mangida angka naso tingkos.
Paopathon
Penerimaan manang Dijalo Natorop
Molo ni ida sian survey ni Cyrus Network sataon na lewat 62 % par Jakarta mandok si Ahok mansai tingkos do molo gabe gubernur sahali nai, 38 % mandok dang tingkos molo si Ahok gubernur sahali nai. Jadi boi do dohonon molo angka par Jakaraa dang mangida etnis manang agama tingki mangida karejo ni gubernur tarlumobi taringot APBD Jakarta i.
Sian 4 na pinatorang i dohonon do si Ahok monang si toho. Jadi molo laho adong na nang manaluhon si Ahok ingkon lakka na manat do diulahon dungi diulahon ma taktik Political publicty dohot political marketing asa boi mambuat roha ni natorop . Manang boha pe Pemilu i dohonon do inganan laho mambuat roha dohot pikiran natorop.
2. Biaya Pertarungan manang Parhepengon
Politik porlu do hepang alai dang politik hepeng, alana molo politik diliat-liat operasional, iklan, panungkunan,intel partai, IT dohot angka na asing porlu do hepeng. Na mambaen gabe godang hepeng taringot tu parpolitikan ima na manabur hepeng tu angka pamillit anggiat tor hatop dapot suara. Boti ma hatorangan na,
Asa mura ni etong, molo adong sada suara dibayar 10 ribu hape adong 500 ribu suara ba boi ma annon hepeng na porlus sekian. Alai huk ni majo adong do jolma olo dibayar 10 ribu suara na?
ingot ma istilah di hita an " Serangan Fajar"
Molo dang olo mabuat dalan sian politik hepeng sega-sega i ba ingkon malo ma angka calon mambuat roha ni angka pamillit i. Molo marhite aha na di dok ni Puspol Indonesia adong do tolu leak ni pamillit di Jakarta sian .
1. Pamillit kritis ima angka pamillit na mangida boha do angka calon on tarlumobi sian aha dipikkiran na dohot boha do ula-ula ni calon on di laon laon ni ari
2. Pamilit setia manang loyalis
3. Pamilit Transaksional/ Tradisonal
Lapatanna, molo laho monang di DKI Jakarta ingkon malo ma mambuat roha ni na pamillit kritis dohot loyalis alai do sabotulan on goda saonari persen na.
Saoanri pamilit i dang porlu be mangida janji manis situak ni loba be, alana dang binoto andigan toho angka situak ni loba i toho di ulahon. On ma imbar na molo Pilkada di Jakarta diimabrhon inganan na asing, boi do dohonon di Jakarta on mansai porlu data jala unang gabe si somor holan ala ni ula-ula dohot hata. Molo gabe sanga do gabe si somor jala parhata manggang ba maup ma.
3. Keuntungan dalam Kekuasaan Manang Pangomoan dibagasan Mamarenta
Angka calon dohot partai politik ingkon manat do dison, alana boi do dohonon on gambaran bohi ni partai di pilkada. Molo naeng manaluhon Ahok ba ingkon sitoho-toho do karejo.
Alai i ma daba, saonari molo ni ida calon i nungnga gabe 2 manang lobi harorona . Sada sian parpol dohot sada nai sian independen songon amanta Ahok on. Alai molo ni ida sian godang ni partai dohot angka calon i annon otomatis dohonon si Ahok lumbang ma langkana ala holan ibana do sian independen.
Molo sian partai do monang, Ta antusi ma manang boha molo nga martaringot tu partai nga sian na jolo i songon-songon i. Sai adong do sijama-jama on ni tangan tu parlemen angggiat asa adong pasu-pasu ni parlamen jaloon molo laho adong karejo. Dang pola nipaganjang be i.
Jadi Boha Ma On..
Saonari adong dope peluang ni si Ahok laho dioroi partai alai nata pe songon i sian idependen pe tong do lumbas langka na.
Alai on ma annon na gabe maol
1. Godang ni KTP na laho mandukung Ahok sian UU 8/2015. Di dok ingkon adong do 7,5 % KTP na hona papungu molo sian godang ni natorop di sada luat 6-12 juta halak (songon Jakarta). Alai i ma dang olo MK manghantushon aha na laho di dok DPR i. Do dok MK tong do KTP i diida sian godang na Daftar Pemilih Tetap daong sian godang ni jolma di luat i.
Lapatan na molo DPT ni DKI 7 Juta ba dihali 7, 5 persen ma na dipapungu Teman Ahok annon. sae ma jo i.
2. Molo independen boi do dohonon dang pola adong dope tren na di Indonesia alana parpol on gogo dope dohonon habetengon na di liat politik, alai nata pe songon i dang pola sala molo ni coba.
3. Molo hepeng taringot tu biaya operasional boi ma sada na i masalah na boi manusai ahok, nata pe saonari teman Ahok puna 3 Milyar hepeng marhite sian angka tiga-tiga, ba tardok do dohonon otik i. Jala amanta Ahok i ma jolma na so olo martunggu dohot marsingir politik jadi molo niida boi do on gabe sada hasusaon.
Jadi ima 3 na boi manusai Ahok annon, alai molo niida angka calon saonari i daba laho manaluhon Ahok boi do dohonon dang pola malo marhite aha na pinatorang i alana sai adong do mambuan SARA dohot angka bingkas soada na boi ni dok sada haloakon, hape angka ula-ula si songon i boi do mambaen angka calon i gabe si sogo.
nienet sian